Båten
M/B Siwa er bygd i 2006 og er ein godt utrusta speedsjark som er sertifisert for 12 passasjerar. Fjordturar har skjenkeløyve for øl og vin, og har også moglegheiter for å servere mat ombord nå dette er avtalt på førehand. M/B Siwa er 40 fot lang (12,60 meter) og kan nå ei toppfart på 20 knop (~40 km/t). Båten er blant anna utstyrt med GPS, ekkolodd, elektronisk kartmaskin og radar, og eignar seg svært godt for mange ulike formål. Den har også eige bad og toalett.
Det er sitjeplass til alle passasjerane inne, men den beste opplevinga får ein på dekk. Der kan ein sitje og nyte den storslåtte naturen enten ute eller under kalesje i ly for ver og vind. Båten er spesialbygd for handicapturar, og har 90 cm brei port i styrbord side. I tillegg har båten nedsenkbar romluke.
Sjå fleire bilder av båten i vårt bildegalleri!
